"Чалавек створаны так, што ён не рэалізуецца,
не развіваецца і не можа знайсці сваю паўнату,
акрамя як праз шчыры дар самога сябе"
(З энцыклікі FRATELLI TUTTI
св. айца Францішка
аб братэрстве і сацыяльным сяброўстве)
У нядзелю 22 чэрвеня валанцёры CARITAS, сумесна з моладзю ФМ Таў і братам Сяргеем наведалі Маладзечанскі сацыяльны пансіянат "Цёплы дом".
Цікава, як няшмат трэба, каб падарыць іншаму чалавеку радасць, зрабіць яго дзень крышачку больш каляровым. Сумесныя гульні, танцы, спеў, пасілак на адкрытым паветры, размова са святаром і сустрэча з асобай, што побач, здольныя стварыць сяброўскую атмасферу, памножыць любоў, якую, здаецца, аддаеш.
Глядзіце вакол сябе, шукайце любыя, нават самыя дробныя, падставы для радасці, шануйце ўсе станоўчыя моманты, вучыцеся заўважаць іншага чалавека. Памятайце: ад нашых асабістых рашэнняў, ад свядомых і адважных крокаў, паўсядзённых учынкаў залежыць адчуванне паўнаты жыцця.
Тэкст: Марыя Туровіч
Фота, відэа: Ірына Фаміна
