4 снежня, з нагоды сусветнага дня інвалідаў, валанцёры парафіяльнага Карытас завіталі ў госці да наведвальнікаў дзённага аддзялення РТЦСАН.
Традыцыйна, валанцёры падрыхтавалі смачныя пачастункі для кожнага наведвальніка, а таксама шмат цікавых конкурсаў і танцаў. Усе разам весела танчылі і актыўна прымалі ўдзел у забаўляльнай праграме!
А ўжо 8 снежня, валанцёры, разам з братам Сяргеем Гусарам OFM Cap, адведалі пацыентаў аддзялення сястрынскага дагляду ў Беразінскім (Маладзечанскі раён).
Акрамя добрага настрою і смачнага печыва, кожны атрымаў свой індывідуальны падарунак, які да дня ўспаміну св. Мікалая збіралі валанцёры ўласнымі сіламі. Ніхто не застаўся без увагі: кожны чалавек мог паразмаўляць і падзяліцца жыццёвымі турботамі з братам і валанцёрамі.
Самае каштоўнае, што можа атрымаць валанцёр у адказ на сваю працу- гэта эмоцыі, усмешкі і слёзы радасці, якіх было вельмі шмат на тварах нашых сяброў!
Дзякуем Богу за дар нашых цёплых сустрэч, якія матывуюць нас на далейшае служэнне, і з нецярпеннем чакаем наступных!
Запрашаем жадаючых дзяліцца часцінкай свайго сэрца і жыцця ў нашу каманду. Каб стаць валанцёрам Сaritas у нашай парафіі, неабходна запоўніць акету валанцёра ТУТ>>>
Тэкст: Ігар Лапата
Фота, відэа: Таццяна Сакалоўская, Ірына Фаміна
