7 студзеня нашыя браты праваслаўныя святкуюць Нараджэнне Пана. А мы з нашай групай акцёраў у гэты дзень выбраліся ў госці… 9 раніцы, апошнія прыгатаванні, яшчэ адна рэпетыцыя танца, — і ў дарогу!
Каля нашай капліцы аўтамабіляў як на вяселле — гэта бацькі пастараліся і арганізавалі транспарт для ўсіх акцёраў.
Першы пункт праграмы — псіханеўралагічны дыспансер у г. Маладзечна. У актавай зале сабраліся ўсе, хто змог прыйсці.
Анёлкі хвалююцца перад выступленнем. Успамінаюць словы сястры Ігнацыі, што трэба пастарацца прынесці гэтым людзям радасць і ўсміхацца падчас танца!
Дзіджэй Вікторыя гатовая да таго, каб упрыгожыць нашае выступленне музыкай.
Такім чынам, пачынаем! Трэба заўважыць, што ўсе пастараліся, як маглі, каб прынесці радасць Нараджэння Хрыста гэтым людзям.
Пасля выступлення хуценька збіраемся, бо нас ужо чакаюць у іншым месцы.
Забіраем усе касцюмы, рэквізіты… Бяром з сабой Езуса!
У дарогу! Хоць цягнік вырашыў нас спыніць, да дома састарэлых у Сасновым Боры мы дабраліся ў час.
Некалькі хвілін, каб забраць усе рэчы, і вось: нас ужо вітаюць ў дзвярах!
Пакуль акцёры пераапрануліся, у зал для адпачынку сышліся амаль ўсе жыхары дома.
Марыя з Юзафам ужо рыхтуюцца да свята.
Каралі ў добрым гуморы, хоць прайшлі доўгі шлях перад Аб’яўленнем Хрыста 6 студзеня. Сёння гатовыя далей несці радасную вестку аб Нараджэнні Збаўцы.
Анёл Віка чакае ля ўваходу: ці ўсе сабраліся на свята?
Чарговы раз нашыя таленавітыя акцёры пастараліся падзяліцца радасцю ад Нараджэння Збаўцы.
Пацешыў нашых гледачоў танец анёлкаў. І не дзіўна: яны ж так стараліся ўсміхацца!
Хвала Пану за прыгожы час і прыгожае сведчанне веры. Дзякуй усім, хто прыклаў свае старанні, каб гэтая паездка адбылася. Перад намі кожны дзень, каб далей адкрываць і рэалізоўваць Божую волю!
с. Ігнацыя і с. Фаўстына MSF