1. Шчыры дзякуй вам за кожную малітву, ахвяру і дапамогу на карысць касцёла і кляштара. Асаблівая падзяка тым, хто прыбіраў касцёл і дапамагаў касіць вакол яго на гэтым тыдні. За кожнае дабро няхай узнагародзіць вас Пан Езус і святы наш айцец Францішак.
2. На гэтым тыдні адзначаем:
- У чацвер 19 чэрвеня – урачыстасць Найсвяцейшага Цела і Крыві Хрыста. Расклад Святых Імшаў ў гэты дзень: 6.45, 8.00 і 18.00. Пасля Святой Імшы а 18:00 адбудзецца Эўхарыстычная працэсія. Для гэтага нам неабходна супольна падрыхтаваць чатыры алтары, пры якіх будзем затрымлівацца на малітву падчас працэсіі:
- Падрыхтоўка першага алтара даручаецца супольнасцям Нэокатэхуменальнага Шляху.
- Падрыхтоўка другога алтара даручаецца супольнасці Назарэтанскіх Сем’яў, Легіёну Марыі.
- Падрыхтоўка трэцяга алтара даручаецца Францішканскаму Ордэну Свецкіх, супольнасці францішканскай моладзі ФМТаў і міністрантам.
- Падрыхтоўка чацвёртага алтара даручаецца Ружанцовым колам і супольнасці Маці ў малітве.
- У суботу 20 чэрвеня – успамін св. Алаізія Ганзагі, законніка.
- У наступную нядзелю а 14.00 ў капліцы ў Гарадку – адпустовая ўрачыстасць Нараджэння св. Яна Хрысціцеля. Сардэчна запрашаем.
3. Трывае чэрвень – месяц асабліва прысвечаны Найсвяцейшаму Сэрцу Пана Езуса. Запрашаем на чэрвеньскія набажэнствы кожны дзень а 17.30.
4. 29 чэрвеня ў санктуарыі Маці Божай Суцяшэння Засмучаных у Барунах адбудзецца адпустовая ўрачыстасць Святых апосталаў Пятра і Паўла. Ёсць магчымасць паехаць туды аўтобусам з паркоўкі каля капліцы. Выезд а 12.00. Кошт паездкі – 20 руб. Запісацца можна ў парафіяльнай краме.
5. У днях з 30 чэрвеня па 4 ліпеня адбудзецца пешая пілігрымка Маладзечна-Будслаў. Запісацца можна, запоўніўшы электронную анкету, што ёсць на сайце і сац. сетках парафіі, альбо “ўручную” ў сакрыстыі. У сувязі з арганізацыяй пілігрымкі маем яшчэ некалькі аб’яваў:
- Паколькі да нашай пілігрымкі далучыцца шмат паломнікаў з іншых мясцовасцяў, звяртаемся, як звычайна, з просьбай прыняць гасцей на начлег у ноч з 29 на 30 чэрвеня. Ахвотныя гаспадары могуць запісацца ў закрыстыі альбо скантактавацца з бр. Уладзіславам.
- Калі хтосьці мае магчымасць нямнога падзяліцца з пілігрымамі пэўнымі прадуктамі харчавання, а менавіта: бульбай, тушонкай, крупамі, гарбаткай, закаткамі ці агароднінай - то можна звяртацца да братоў у любы час. Гэта было б значнай дапамогай у арганізацыі нашага паломніцтва.
- Кожны парафіянін можа скласці свае малітоўныя інтэнцыі, у якіх пілігрымы будуць маліцца на шляху да Маці Божай. Пакінуць іх можна ў скарбонцы пры выхадзе з касцёла і праз спасылку: інтэнцыі.
6. Ёсць магчымасць паехаць на Будслаўскі фэст і аўтобусам. Выезд у суботу 5 чэрвеня а 8.00 з паркоўкі каля гіпермаркета “Светафор”. Кошт 20 рублёў, запіс у парафіяльнай краме.
7. З 7 па 12 ліпеня ў нашай парафіі пройдзе “Летнік з Францішкам” для дзяцей ад 7 да 13 год. Дзеці будуць збірацца ад 15.00 да 20.00 на працягу тыдня, завершыцца летнік у суботу 12 ліпеня маленькім кацэртам каля 14.00. Запрашаем жадаючых. Колькасць месцаў абмежаваная, таму, калі ласка, паспяшайцеся. Запісацца можна ў с. Аляксандры, с. Кацярыны альбо ў нашай арганісткі Ірэны.
8. З 13 па 21 ліпеня запрашаем моладзь ад 16-ці гадоў узвыш на рэкалекцыі “Spoleto”. Падрабязную інфармацыю можна атрымаць у брата Сяргея.
9. Запрашаем наведаць нашу парафіяльную краму, дзе можна набыць календары, рэлігійную літаратуру і часопісы, абразы, малітоўнікі, фігуркі са штучнага каменя, срэбныя ланцужкі, крыжыкі і інш...
Прапануем прамую трансляцыю нядзельнай Св. Імшы а 1000 гадзіне на нашым YouTube канале. Каб нас знайсці, трэба шукаць: Парафія св.Казіміра Касцёл св.Піо ў Маладзечне.
Раім паглядзець альбо паслухаць: Радыё Марыя
Па якім прынцыпе выбіраюцца хросныя.